Date Converter

Find Us in Facebook

स्थानिय पत्रपत्रिकाहरु


2067/08/27 Friday
Issue 18


2067/08/17 Friday
Issue 11


2068/03/01 Wednesday
Issue 9

 

Content View Hits : 6921022

Advertisement




www.kavrekoseli.com - Mirror to the Kavre District
जीर्ण विद्यालयलाई कोरियाका काभ्रेलीको सहयोग
Friday, 14 June 2013 06:41

काभ्रे÷जीर्ण अवस्थामा रहेको काभ्रेको विकट क्षेत्र महादेवटार गाविसको जोगेश्वर माविको विद्यालय भवनका लागि कोरियामा रहेका काभ्रेलीले सहयोग गरेका छन् ।  काभ्रे सम्पर्क समिति दक्षिण कोरियाले उक्त विद्यालयको लागि ५१ ह्जार रुपैयाँ सहयोग गरेको हो । उक्त रकम सम्पर्क समितिको तर्फबाट मनमोहन भुजेलले जापानका लागि नेपालका पुर्व राजदूत गणेश योञ्जन र राजदूत योञ्जनले विद्यालय व्यवस्थापन समितिका अध्यक्ष शंखलाल तामाङलाई हस्तान्तरण गरेका थिए । नेपाल तामाङ कलाकार संघ र मोन्दोला फोलेको पहलमा सम्पर्क समितिले उपलब्ध गराएको उक्त रकम विद्यालय भवन निर्माणका लागि उपयोग गर्ने विद्यालयले जनाएको छ । बौद्धमा आयोजित कार्यक्रममा संघ र फोलेको पहलमा पुर्व राजदूत डा. गणेश योञ्जनले ५१ हजार, हङकङमा रहेकी सरस्वती लामाले ८३ हजार, नेपालजीत लामाले ५१ ह्जार, दुवई तामाङ समाजले १ लाख, समाजसेवी कुन्साङ लामाले ५१ हजार सहयोग गरिसकेको र जीर्ण विद्यालयलाई सहयोग गर्ने क्रम जारी रहेको संघका अध्यक्ष चन्द्रकुमार लामाले जानकारी दिए । दुई बर्षदेखि शत प्रतिशत विद्यालय उतीर्ण गर्न सफल उक्त विद्यालय आर्थिक अभावले अर्को भवन बनाउन नसक्दा ढल्ने अवस्था पुगेको छ भने पानी चुहिने अवस्थामा भवन रहेकोले ठूलो पानी पर्ने वित्तिक्कै पढाईनै छुट्टी गर्नुपर्ने अवस्था छ ।

 

 

 
विस्तृत बालश्रम निवारण नीतिको माग
Friday, 14 June 2013 06:28

राजाराम गौतम

जेष्ठ २९

काभ्रे

बाल श्रम विरुद्ध को विश्व दिवसको अवसरमा आज काभ्रेको भकुण्डेमा भएको कार्यक्रममा बाल बालिकाहरुले विस्तृत बालश्रम निवारण नीतिको माग गरेका छन् । घरेलु बालश्रम अन्त्य गरौं नाराका साथ विकट क्षेत्रको रुपमा चिनिने डाँडापारिका बाल बालिकाले विभिन्न कार्यक्रम गरि भकुण्डेमा बाल श्रम दिवश मनाइ रहँदा सो माग गरेका हुन् । बालश्रम विरुद्ध सामाजिक सचेतना र सरोकार बढाउने उद्देश्यले उनिहरुले यो दिवस मनाएको बताएका छन् । डाँडापारी क्षेत्रका फोक्सिङटार, बुढाखानी, तथा मथुरापाटि गा.वि.स को सयंक्त आयोजना मा बाल अधिारको सुनिश्चित गर, बाल श्रम रोक, बाल बालिकालाई शिक्षा बाट बञ्चित नगर लगाएतका नारा लगाई भकुण्डेवेशि परिक्रमा गर्नुका साथै सडक नाटक समेत प्रस्तुत गरेका थिए । सेभ चिल्ड्रेन को र नाङसाल एशोसियसन नेपाल को सहयोग तथा फोक्सिङटार, मथुरापाटि र बुढाखानी गा.वि.स को सयुक्त आयोजनामा भएको उक्त कार्यक्रममा थुप्रै कानुनी, नीतिगत, र राष्ट्रिय स्तरका कार्यक्रम भएपनि गरिबी, जनचेतनाको अभाव, स्पष्ट कानूनी व्यवस्था र कार्यान्वयनको अभाव जस्ता अवरोधका कारण बालश्रम निवारणले उचित लक्ष्य हासिल गर्न नसकेको उनिहरुले बताएका छन् । कार्यक्रममा जीवन निर्वाहका लागि जस्तोसुकै श्रममा संलग्न हुनुपर्ने बाध्यताले बालबालिकाहरु शारीरिक, मानसिक, सामाजिक, नैतिक तथा बौद्धिक समस्यामा परेको भन्दै सरोकारवालाले विस्तृत बालश्रम निवारण नीति आवश्यक भएकोमा जोड दिएका छन् । नेपाल सरकारले बालश्रम रोक्न तथा समर्ग बाल अधिकारको संरक्षण तथा संवर्द नका लागि बालअधिकार सम्बन्धि महासन्धि १९८९, श्रमका लागि न्यूनतम उमेर निर्धारण सम्वन्धि आइएलओ महासन्धी १३८ र निकृष्ट प्रकारको बालश्रम उन्मुलन सम्वन्धि महासन्धि १८२ लाई अनुमोदन समेत गरिसक्दा सम्म अझ बाल श्रम शोशण भैरहेको कार्यक्रममा सहभागि हरुले चिन्ता व्यक्त गरेका थिए ।

 
नेपाल सितोरियो सोबुकान काभ्रेमा नवराज
Friday, 14 June 2013 06:44

बनेपा÷नेपाल सितोरियो सोबुकान कँराते काभ्रे–डोको अध्यक्षमा नवराज मानन्धर निर्वाचित भएका छन् । शनिवार बनेपामा भएको विशेष भेलाले मानन्धरलाई अध्यक्षमा निर्वाचित गरेको हो । समितिको उपाध्यक्षमा मोहन प्रधान र उदयराम कायस्थ, सचिवमा कविरकुमार रंजित, सहसचिवमा अञ्जनीकुमार जोशी, कोषाध्यक्षमा हरिप्रसाद मानन्धर, उपकोषाधयक्षमा ज्ञानेन्द्र नकर्मी निर्विरोध निर्वाचित भएका छन् । समितिको सदस्यहरुमा सन्तोषलाल श्रेष्ठ, गोपाल लामा, जयन्द्र श्रेष्ठ, रिकेश कायस्थ, केशवराज पौडेल र गणेश दनुवार चयन भएका छन् । समितिमा सौरभराज कायस्थ सल्लाहकार चयन भएका छन् । नवनिर्वाचित समितिका पदाधिकारी तथा सदस्यलाई नेपाल सितोरियो सोबुकान कँरातेका केन्द्रीय प्रशिक्षण विभागका प्रमुख संघरत्न मानन्धर, केन्द्रीय सचिव राजु अधिकारी लगायतकाले शुभकामना व्यक्त गरेका थिए । नवनिर्वाचित अध्यक्ष मानन्धरले काभ्रेका गाँउ गाँउमा सोबुकान फैलाउने र सो कार्यमा सहयोगका लागि सबैलाई आग्रह समेत गरेका छन् ।

 
“महिला हिंसा,चुनौतिहरु र समाधान ” बिषयक अन्तरक्रिया कार्यक्रम सम्पन्न
Monday, 11 March 2013 04:32

२५ फागुन २०६९ धलिखेल ः ईन्टिग्रेटेट इफोट फर डेभलपमेण्ट (आई.ई.डी) नेपाल  को आयोजनामा र रोटरी क्लब अफ धुलिखेल र सि.डी.आर.ए नेपालको सहयोगमा धुलिखेलमा “महिला हिंसा,चुनौतिहरु र समाधान ” बिषयक अन्तरक्रिया कार्यक्रम सम्पन्न भयो । यस कार्यक्रमको मुख्य उद्देश्य भनेको समाजमा मौलाएको महिला प्रति हुने हिंसाको स्थानिय स्तरमा समाधान खोज्नु हो । यस कार्यक्रममा आई.ई.डी नेपालका अध्यक्ष र रोटरी क्लब अफ धुलिखेलका क्लब डिरेक्टर श्री रन्जीब श्रेष्ठ, आई.ई.डी नेपालका सह–सचिव श्री सन्चन भैल, सुश्री नन्दुकुमारी महर्जन, अभिषेक श्रेष्ठ, नेकपा एमालेका जिल्ला सदस्य र महिला बिभागका प्रमुख श्रीमती विमला शर्मा ,महिला मानव अधिकार रक्षक  निर्मला काफ्रले , सि.डी.आर.ए नेपालका प्रतिनिधि ऋसीराम बैद्य ,मोहन प्रजापति आदिको उपस्थिति थियो । कार्यक्रममा बर्षभरि महिला प्रति हुने हिंसाका समाचार पत्रको प्रर्दशनीका साथै विभिन्न वक्ताहरुले आ–आफ्नो मन्तब्य ब्यक्त गरेका छन् । करिब ४५ जनाहरुको उपस्थितमा भएको सो कार्यक्रममा महिला हिंसा प्रति अब कुरा होइन काम गरौ भन्ने प्रतिबद्घता सबैले ब्यक्त गरेका छन् ।

नेकपा एमालेका जिल्ला सदस्य र महिला बिभागका प्रमुख श्रीमती विमला शर्माले महिलालाई हरेक निर्णायक विषयमा महिलाको शून्य सहभागिता गराइनु सबैभन्दा ठूलो हिंसाको कारण हो भन्ने कुरा ब्यक्त गर्नु भयो । महिला मानव अधिकार रक्षक  निर्मला काफ्रले काभ्रेमा महिला आत्महत्याको समस्या सबैभन्दा विकराल रुपले आएको कुरा ब्यक्त गर्नु भयो । नेपालको अन्तरिम संविधानमा महिलामाथि हुने हिंसा नियन्त्रण सम्बन्धमा उल्लेख भएता पनि कार्यन्वयन पक्षमा फितलो भएको कुरा आई.ई.डी नेपालका सुश्री नन्दुकुमारी महर्जन ब्यक्त गर्नु भयो । आई.ई.डी नेपालका अध्यक्ष रन्जीब श्रेष्ठले हाम्रो समाज हाम्रो दिदीबहीनीका लागि सुरक्षित हुनुप–र्यो भन्ने विचार ब्यक्त गर्नु भयो ।

 
अनेसास नवोदितको २२औँ बाचन सम्पन्न
Tuesday, 22 January 2013 16:12

प्रेम लामा
अन्तर्राष्ट्रिय नेपाली साहित्य समाज तथा नवोदितले मोवाईल पुस्तकालयले संयूक्त रुपमा गर्दे आईरहेको  साहित्य बाचन कार्यक्रम यस महिनाको २२औँ बाचन श्रृंखला शुक्रबार सम्पन्न भएको छ । २२औं डबलीको प्रमुख श्रोताको रुपमा कान्तिपुर प्रवास साप्ताहिक पत्रकार होम कार्की रहेका थिए । बैदेशिक रोजगारीका सिलसिलमा कतारमा रहेर साहित्य सृजना गर्ने सर्जक र साहित्यलाई बुझेर माया गरे साहित्य प्रति रुचि राख्ने साहित्यकारहरुको साझा चौतारीको रुपमा रहेका यस बाचन श्रृंखला कार्यक्रम प्रत्येक महिनाको दोस्रो हप्ता सुचारु रुपले संचालन गर्दे आईरहेका छन् । कार्यक्रममा अनेसासका पूर्व अध्यक्ष दिपक भेटवालको उपस्थिति रहेको थियो । कार्यक्रममा कवि ईन्द्रमणी नेपाल, दिलिप अविरल, विन्देश्वर ठाकुर, ओम ओझेल, राजु मुखिया र वेचैन महत्तो,अन्तर्राष्ट्रिय साहित्य समाजका संस्थापक अध्यक्ष तथा वुद्धिजिवी शिखर वैद्य, नेपाली नियोगका द्धितिय सचिव तथा नियत्राकार जय बहादुर छाङ्छ राईले कार्यक्रममा मिठो कविता बाचन गरिएको थियो । गजलकारहरु जगतराम वर्देवा, ईश्वर शाहि, राज कँडेल श्याम रानाभाट, विजय फम्वो, पे्रम प्रकश सापकोटा, सुरेशमान तामाङ्ग, राजेश रूम्मा लामा, दिप गाँउले, शालीकराम गिरी लगायतका सर्जकहरmका गजलका शेरहरु प्रस्तुत गरिएको थियो  । भने जुन कवीको उपाधि पाएका छन्छकवि  बद्रीप्रसाद पराजुली, ज्ञानेन्द्र अमगाई, विनोद कुमाल र चर्चित ढुङ्गेल लगायतले गीत प्रस्तुत  गरिएको थियो । विभिन्न कविता, गजल र गीतहरु प्रस्तुत गरी २२औं डबली कार्यक्रमलाई निकै साहित्यमय बनाएका थिए उपस्थित साहित्यकारहरुले । साथै कार्यक्रममा नव सर्जक साहित्यकारहरुको पनि उपस्थिति रहेको थियो । कार्यक्रममा विषेश श्रोताका रुपमा रहेका  कान्तिपुर प्रवास साप्ताहिकका पत्रकार होम कार्कीले १७ औँ डवली देखी हाल सम्म निरन्तर उपस्थित हुदै आएको छु । साहित्य कार्यक्रम निकै उपलब्धीपूर्ण तथा शिक्षामुलक रहेको बताउँदै कार्यक्रम  निक्कै रमाईलो भएको बताए । यस साहित्य कार्यक्रमबाट दोहामा रहेका नेपालीहरुले पाएको दुःख बेदनाहरुलाई साहित्यकारहरुले कविता,कथा,गजल र गीतबाट प्रस्तुत गर्दा  समचार संकलनमा  ठुलो सहयोग पुग्नुका साथै आफुलाई समेत साहित्य श्रृजना गर्ने रहर जाग्न थालेको बताए । कार्यक्रम साहित्यकार टिका खड्का राष्ट्रप्रेमीको संयोजक तथा सञ्चालनमा निकै उत्साहजनक रुपमा सम्पन्न भएको थियो ।

 
८ गाविसलाई लक्षित गरी एम्बुलेन्स सेवा संचालन गरिने
Tuesday, 22 January 2013 16:02

च्यासिङ्खर्क÷काभ्रेमो दक्षिण भेगमा पर्ने ८ गाविसका स्थानीय बासीन्दाहरुलाई स्वास्थ्य सेवा पु¥याउने उद्श्याले २४ घण्टे एम्बुलेन्स सेवा संचालन गर्ने भएको छ ।
शनिवार काभ्रेको च्यासिङ्खर्क गाविस–९ मदनबास स्थित आइत टासी गुम्बाको अयोजनामा गरेको भेलालबाट एम्बुलेन्स सेवा संचालन गर्ने निर्णय गरेको हो ।
गुम्बाका सचिव सोनाम सिं लामाले दिनु भएको जनाकारी अनुसार भेलाले बल्थली, चलालगणेशस्थान, ढुंखर्क, च्यासिङखर्क, मिल्चे, फलामेटार, साल्मेचाकल र महाँकालचौर गाविसको गरि करिब ४० हजार जनताले सेवा पाउने छन । भेला सम्पन्न भई सकेको र केही महिना भित्रमा यो एम्बुलेन्स सेवा संचालनमा ल्याउने छौ सचिव लामाले बताए । चाडै संचालनमा ल्याउनको लागि कागजी रुपमा काम गर्न बाँकी रहेको गाविस सचिवहरुले बताएका छन । भेला आइत टासी गुम्बाका अध्यक्ष प्रताप लामो अध्यक्षतामा सम्पन्न भएको थियो । भेलामा विभिन्न गाविसका सचिव, उप–स्वास्थ्य चौकीका प्रतिनिधि, राजनीतिक दलका प्रतिनिधि, समाजसेवी, बुद्धिजीवी लगायको उपस्थित रहेको आयोजकले जनाएको छ ।

 
वैदेशिक हस्तक्षेपले नेपालको सार्वभौमिकता गुमेको
Friday, 14 June 2013 06:39

काठमाडौं, २४ जेठ । वैदेशिक हस्तक्षेपले नेपालको सार्वभौमिकता गुमेको राजनीतिज्ञ, कानुनविद्, प्राध्यापक, लेखक तथा बुद्धिजीवीहरूले बताउनुभएको छ । शुक्रबार नेपाल क्रान्तिकारी युवा सङ्घ केन्द्रीय समितिद्वारा राजधानीमा आयोजित ‘वैदेशिक हस्तक्षेप र नेपालको सार्वभौमिकता’ विषयक विचार अन्तरक्रियामा उक्त धारणा व्यक्त गरिएको हो । अन्तरक्रियाका प्रमुख अतिथि नेपाल मजदुर किसान पार्टीका अध्यक्ष नारायणमान बिजुक्छें (रोहित) ले देशको सार्वभौमिकता जोगाउन देशभक्त जनताले विभिन्न मोर्चामा लडाइ“ गर्नुबाहेक विकल्प नभएको बताउ“दै त्यो लडाइ“ लामो समयसम्म जान र पुस्तौंपुस्ता लाग्नसक्छ भन्नुभयो । उहा“ले राष्ट्रियता र सार्वभौमिकता फरक फरक भएको स्पष्ट पार्दै सार्वभौमिकताविहीन राज्य स्वतन्त्र र स्वाधीन नहुने प्रस्ट पार्नुभयो । उहा“ले नेपालको सार्वभौमिकता र अस्तित्व समाप्त पार्न चाणक्य नीति लवलम्बन भइरहेको बताउनुभयो । देशको सार्वभौमिकता गुम्दै जानुमा शासक दलका नेताहरूको आत्मसमर्पणवादी प्रवृत्ति र नीति जिम्मेवार भएको बताउ“दै त्यस्ता नेतृत्वको विरोध अरू नेता कार्यकर्ताहरूले गर्नुपर्छ भन्नुभयो । माओवादी भारतीय विस्तारवादको ‘ट्रोजन हर्स’ सावित हु“दै गएको चर्चा गर्दै उहा“ले माओवादी ‘जनयुद्ध’ नेपाली जनताको भरमा नभई भारतीय शासक वर्गको इसारा र आडमा गरिएको हो भन्नुभयो । आन्दोलन जनताको भरमा गर्नुपर्ने र विदेशीको आडभरोसामा होइन भन्नुभयो । नेमकिपाका केन्द्रीय सदस्य एवम् विदेश सम्बन्ध समितिका प्रमुख प्रेम सुवालले धेरै अघिदेखि नेपालको राजनीतिमा साम्राज्यवादी र भारतीय विस्तारवादी हस्तक्षेप भइरहेको स्पष्ट पार्दै पछिल्लो कालखण्डमा नया“दिल्लीमा भएको बा¥हबु“दे समझदारीले नेपालको राजनीतिको बागडोर भारतको हातमा पुगेको बताउनुभयो । नेपालमा के गर्ने र के नगर्ने भन्ने कुरामा भारतको दबाब हुने गरेको शासक दलका शीर्ष नेताहरूले बरोबर चुहाउने गरेको सुनाउ“दै उहा“ले नेपालमा अस्थिरता कायम राख्न र असफल राष्ट्र बनाउन विदेशी हस्तक्षेप भइरहेको स्पष्ट पार्नुभयो । वरिष्ठ पत्रकार भैरव रिसालले नेपालमा भारतले अन्य कुनै देशमा गरेभन्दा भिन्नै नया“ तवरले हस्तक्षेप गरिरहेको छ भन्नुभयो । उहा“ले सार्वभौमिकता जोगाउन ‘नेपाल सानो छ, हामी साना छौं र हामी केही गर्न सक्दैनौं’ भने हिनताबोध र ‘प्रभुवाद’ बाट मुक्त हुन जरूरी रहेको औंल्याउनुभयो । वरिष्ठ अधिवक्ता सिन्धुनाथ प्याकुरेलले जातीय राजनीति नेपालको सार्वभौमिकता कमजोर पार्न युरोपेली सङ्घको योजना भएको बताउ“दै आज दलहरू कुनै सैद्धान्तिक आधारमा नभई जातीय आधारमा फूट भइरहेकोले भोलि देश जातीय रूपमा विखण्डन हुने सम्भावना बढेको छ भन्नुभयो । संवैधानिक कानुनविद् भीमार्जुन आचार्यले देशको सार्वभौमिकता र हितको विषयमा बोल्न र सुन्न हु“दैन भनी देशका ठूला दलका कार्यकर्ताहरूको ब्रेनवास गरिएको छ भन्नुभयो । खिलराज रेग्मीको नेतृत्वमा सरकार गठन संविधानसभा निर्वाचनका निम्ति नभई नेपाललाई विलय गर्ने वातावरण निर्माणका निम्ति भएको उहा“को निष्कर्ष थियो । सीमाविद् बुद्धिनारायण श्रेष्ठले वैदेशिक हस्तक्षेप जरासम्म पुगेको र प्रत्यक्ष देखिन थालेको बताउ“दै नेपाली जनताले एकताबद्ध भई सङ्घर्ष गर्नुबाहेक अर्को विकल्प छैन भन्नुभयो । उहा“ले गत दस वर्षमा भारतले थप १८ ठाउ“मा सीमा मिच्दा नेपालको २३ जिल्लाका ७२ ठाउ“मा ६०६ वर्ग किमि भूमि मिचेको तथ्य प्रस्तुत गर्नुभयो । नेपाल वार एसोसियसनका अध्यक्ष एवं अधिवक्ता हरिकृष्ण कार्कीले नेपालको भाग्यको निर्णय गर्ने अधिकार नेपाली जनता र सरकारसित हुनुपर्ने बताउ“दै हाम्रा नेताहरू विदेशी शक्तिसामु  यति सारो झुक्न बाध्य हुनुका कारणहरूको खोजी हुनुपर्छ भन्नुभयो । राजनीतिक विश्लेषक भरत दाहालले चीनलाई घेराबन्दी गरी विखण्डन र समाप्त पार्ने पश्चिमा साम्राज्यवादी योजनाअनुरूप नै नेपालमा विदेशी हस्तक्षेप र नेपालको औपनिवेसीकरण भइरहेको हो भन्नुभयो । उहा“ले शासक दलका नेताहरू साम्राज्यवाद र भारतीय विस्तारवादका दलाल भएको चर्चा गर्दै साम्राज्यवाद र विस्तारवादविरूद्ध बृहत् मोर्चाबन्दी र प्रतिरोध आन्दोलन गर्न जरूरी भइसकेको बताउनुभयो । इतिहासविद् एवम् राजनीतिक विश्लेषक फनिन्द्र नेपालले माटोको विरूद्ध राजनीति गर्ने नेताहरू रहुञ्जेल देशको सार्वभौमिकता कमजोर हुन्छ भन्दै एमाओवादीमा राष्ट्रियताविरूद्धको पतनविरूद्ध देशभक्त कार्यकर्ताहरूले विद्रोह गर्न सक्नुपर्छ भन्नुभयो । कार्यक्रममा नेमकिपाका केन्द्रीय सदस्य एवम् काठमाडौं जिल्ला अध्यक्ष नारायण महर्जन, वैकल्पिक केन्द्रीय सदस्य लीला न्याइच्याई, नेक्राविसङ्घका केन्द्रीय अध्यक्ष रवीन्द्र ज्याख्व, सहप्राध्यापक विश्वमोहन जोशी, अधिवक्ता ओमप्रकाश अर्याल, तरूण दलका पुष्प पराजुली, वाईसीएल नेपालका सहसंयोजक राजु खड्कालगायतले आ–आफ्नो विचार राख्नुभएको थियो । नेक्रायुसङ्घका केन्द्रीय अध्यक्ष उकेश कवांको सभापतित्वमा भएको कार्यक्रममा केन्द्रीय सहसचिव शड्ढर भण्डारी र केन्द्रीय सदस्य रेविना डंगोलले पनि बोल्नुभएको थियो ।

 
चीनका राजदूत याङ हौलानलाई बिदा
Monday, 11 March 2013 04:39

भक्तपुर, १० फागुन । आफ्नो कार्यकाल टुङ्ग्याएर स्वदेश फर्कन लाग्नुभएका नेपालका निम्ति जनवादी गणतन्त्र चीनका राजदूत याङ हौलानलाई बिदा गर्न बिहीबार नेपाल मजदुर किसान पार्टी विदेश सम्बन्ध समितिले बिदाइ कार्यक्रम ग¥यो ।

कार्यक्रममा नेमकिपा अध्यक्ष नारायणमान बिजुक्छें (रोहित) ले २०–२५ वर्ष अघि तेस्रो विश्वका जनताको आकर्षण बनेको भुमण्डलीकरण यतिबेला साम्राज्यवादी शक्तिहरूको पूनःउपनिवेशीकरणकै सिलसिला प्रमाणित भएको बताउनुभयो । नेपालको इतिहास लेखनमा बेलायती प्रभाव बढी भएको चर्चा गर्दै उहा“ले फ्रान्स, जर्मनेली र चिनिया“ भाषामा लेखिएका नेपाली इतिहासको तुलनात्मक अध्ययन हुनुपर्नेमा जोड दिनुभयो । नेपाल र चीनबीचको सम्बन्धबारे बोल्दै उहा“ले भाषा, कला र संस्कृतिले यो सम्बन्धलाई प्रगाढ बनाउ“दै लगेको बताउनुभयो । उहा“ले भन्नुभयो –‘इतिहासमा शासकहरूको परिवर्तनले यो सम्बन्ध प्रभावित भएर पनि जनताबीचको सम्बन्ध भने बलियो रह्यो ।’चिनिया“ सम्बृद्धिले नेपाली जनता पनि लाभान्वित हुनेमा आशा व्यक्त गर्दै उहा“ले भन्नुभयो –‘तर समृद्धि पनि स्थिर र पूर्ण छैन, न त समृद्धि नै पूर्ण समानता हो ।’ अध्यक्ष बिजुक्छेंले प्राचीन नेपालबारे संस्कृत, तिब्बती र चिनिया साहित्यबाट अवगत हुने भएकाले ती भाषाका ग्रन्थको नेपाली अनुवाद आवश्यक छ भन्नुभयो । राजदूत हौलानलाई नेपाली जनताको भावना चिनिया“ कम्युनिष्ट पार्टीका महासचिव सी जीपिङसम्म पु¥याई दिन आग्रह गर्दै उहा“ले नेपाल–चीन सम्बन्धको अमरत्वको कामना गर्नुभयो । राजदूत याङ हौलानको कुटनीतिज्ञको रुपमा एक देशबाट अर्को देशमा जानु आफ्नो लागि स्वाभाविक भए पनि नेपालबाट यतिबेला बिदा हुन गा¥हो भएको बताउनुभयो । नेपाली जनताको सरलताबाट आफू प्रभावित भएको बताउ“दै उहा“ले भविष्यमा पनि नेपाल र चीनसम्बन्धबारे आफूले चासो राख्ने विश्वास व्यक्त गर्नुभयो । आफ्नो बीसमहिने कार्यकालको समीक्षा गर्दै उहा“ले गत वर्ष नेपाल र चीनबीचको व्यापार ६० प्रतिशतले वृद्धि भएकोमा खुसी पोख्नुभयो । ‘गत वर्ष ७ हजार ७ सय थरि वस्तुको व्यापार भयो । धेरै–धेरै चिनिया“ कम्पनीहरू अझ पनि नेपालमा लगानी गर्न लालायित छन् ।’ उहा“ले भन्नुभयो । आफ्नो कार्यावधिमा चिनिया“ प्रधानमन्त्री वेन जिया बाओले नेपाल भ्रमण गर्नुभएको प्रस· उल्लेख गर्दै उहा“ले यो अवधिमा नेपाल र चीनबीचको सांस्कृतिकसम्बन्ध पनि बलियो भएको बताउनुभयो । नेमकिपा विदेशसम्बन्ध समितिका प्रमुख प्रेम सुवालले नेपालका सरकारहरूले बोलीमा एक चीन नीतिको समर्थन गरे पनि व्यवहारमा त्यो नीति कायम राख्न नसकेको बताउनुभयो । ‘तिब्बती कार्यकर्ताहरूलाई आत्मदाह गर्न दिनु र तिब्बतबाट भागेर आउनेलाई शरणार्थीको दर्जा दिने नेपाल र दलाई लामाबीचको सम्झौता एक चीन नीति विपरीत छ’ उहा“ले भन्नुभयो । राजदूत याङ गत वर्षको असारमा चिनिया“ राजदूतका रुपमा नेपाल आउनुभएको थियो । सन् २००६ देखि दुई वर्षसम्म उहा“ अफगानिस्तानको राजदूत हुनुहुन्थ्यो । त्यस्तै सन् २००८ देखि नेपाल आउनु अघिसम्म कोरियाली प्रायःद्वीपसम्बन्धी चिनिया“ राष्ट्रपतिको विशेष दूत हुनुहुन्थ्यो ।

 
प्रेस चौतारीको धर्ना
Tuesday, 22 January 2013 16:09

धुलिखेल÷प्रेस चौतारी नेपाल काभ्रे शाखाले पत्रकार डेकेन्द्र थापाको हत्याको विरोधमा जिल्ला प्रशासन कार्यालयमा एक घण्टा धर्ना दिएको छ ।

शुक्रवार जिल्ला प्रशासन कार्यालयमा जम्मा भएका संचारकर्मीहरुले पत्रकार हत्याका दोषीलाई कार्वाहीको माग गर्दै एक घण्टा धर्ना दिएका हुन् । धर्नापछिको सभामा नेपाल प्रेस युनियन काभ्रेका सभापति नारायणप्रसाद सापकोटा, प्रेस चौतारी काभ्रेका अध्यक्ष हिरामान लामा, पत्रकार महासंघ काभ्रेका सभापति महेश पौडेल,मानवअधिकारकर्मी भोजराज तिमल्सिना लगायतकाले पत्रकार हत्याको दोषीलाई कार्वाहीको माग गरेका थिए । दर्जनौ कृयाशिल संचारकर्मीको उपस्थितीमा भएको धर्नामा सहभागीले विधीको शासन अनुसार मुलुकलाई चलाउन आग्रह समेत गरेका थिए ।

 
ह्विलचेयबाट बिमलले गरे सहयोगको आग्रह ।
Tuesday, 22 January 2013 15:39

प्रेम लामा दोहा कतार

बैदेशिक रोजगारीका लागि आएका पुलचौर ४म्याग्दीका २८ बर्षिय बिमल रामदाम सडक दुर्घटना परी गम्भिर घाईत भएर थला परेको लगभग दुई बर्ष हुन लागेका छ । ८ जनवारी २०११का दिन कर्निसस्थित माछा किन्न जाने क्रममा एक कतारीको ल्याण्डक्रुजर दिएको ठक्करबाट ६ दिन पछि होस आउँदा दुईवटै खुट्टा नचाल्ने भएको थियो । ठक्करका कारण शरीरका  विभिन्न भागहरुमा चोटपटक लागेका छन् उनले देखाउँदै भने यि चोटहरुले मलाई निकै  पिडा र दुःख दिईरहेको छ ।

ठक्कर दिएपछि हमाद हस्पिटल २ महिना १५ दिन, ३महिना १४ दिन रुमिल्ला र मेडिकल सिटी डेढ महिना बसेको बताए । हस्पिटल बसेको र औषधी उपचारको खर्च भने सवै हस्पिटल ले नै ब्यहोरेको र औषधी पनि हस्पिटलले नै निशुल्क दिंदै आएको बताए । हस्पिटलको डाक्टर, नर्स र सोसलवर्कहरुले उनको उपचारमा ठूलो सहयोग गर्दे आईरहेका छन् ।   कम्पनी भिषा लगाईदिने र एउटा सानो कोठमा भने दिएकोले बस्दै आएका छन् । कम्पनीले विगत १९ देखि तलब पनि दिएको छैन । एक ह्विलचेयर दिएको थियो त्यो पनि इन्स्युरेन्सबाट पैसा आएपछि १ हजार रियाल काट्ने सर्तमा कागजपत्र बनाएर सही गरेपछि दिएको बताए । दुई महिनाको तलब पनि उपचारमा ऋण लिएको कागज बनाएर सही गराएको बताए । १हजार ह्विलचेयरको र १हजार ६सय ऋण लिएको कागज बनाएर कम्पनीलाई २हजार ६सय तिर्नुपर्ने पिडीतले भने । केही दिन मात्र उनलाई हमादले निशुल्क नयाँ ह्विलचेय दिएका छन् । उनको इन्स्युरेन्सको लागि केश कोर्ट सम्म चलेको बताए । कोर्टका वकिलले ईन्स्युरेन्स आएपछि २५ प्रतिशत  दिनुपर्ने शर्तमा कागज बनाएको बताए  । केही साथीभाईहरको आर्थिक सहयोगद्धारा नै  खाना र हस्पिटल जाने खर्चको जोहो हुने बताए । खाना पनि उनी स्वयंम ह्विलचेयरमा नै बसेर बनाउँछन । चिनजानकै आफन्तले पठाएको तनुवा भिषामा एक विल्डिङ्ग  कन्स्ट्रक्सन सम्वन्धि काममा आएका थिए । घरमा आमा श्रीमति र एक छोरा रहेका छन् । दोहास्थित विभिन्न सामाजिक संघसंस्था, समाजसेवी, नेपाली दाजुभाई तथा दिदीवहिनीहरुमा आर्थिक सहयोगको लागि  पिडीत बिमलले हार्दिक अनुरोध गरेका छन् । उनलाई सहयोग गर्न चाहानुहुने महानुभावहरुले उनको सम्पर्क नं ३३२८४३६० अथवा उनको सहयोगी मनु विश्वकर्माको सम्पर्क नम्बर ६६१५२९५० सम्पर्क गरी आर्थिक सहयोग गर्न सकिनेछ ।

 
<< Start < Prev 1 2 3 4 5 6 7 8 9 10 Next > End >>

Page 1 of 97

Model Gallery

No images

Photo Gallery

Press Release

Madan Bhandari Sports Academy

Press Release -2068/01/26

Load Shedding Schedule

Download Load Shedding Schedule

Advertisement



(Space for Advertisement)

Advertisement